«Լեռնային Ղարաբաղի պետնախարարի պաշտոնը զբաղեցնող Ռուբեն Վարդանյանը պարտավոր է լքել Լեռնային Ղարաբաղի տարածքը։
Այս մասին հայտարարել է Ադրբեջանի ԱԳՆ ղեկավար Ջեյհուն Բայրամովը ռուս գործընկեր Սերգեյ Լավրովի հետ մամուլի ասուլիսում, գրում է РБК-ն։
«Նրա գործունեությունը կրիմինալ և արկածային բնույթ ունի: Մենք կարծում ենք, որ սրան պետք է վերջ տալ։ Եվ որքան շուտ այդ մարդը հեռանա այս շրջանից, այնքան լավ կլինի բոլորի համար, առաջին հերթին՝ տեղի բնակչությունն է տուժում դրանից»,- հայտարարել է Բայրամովը: Վարդանյանին անվանել է «օտար տարր»։
