Լրագրող Սյուզի Բադոյանը ֆեյսբուքյան իր էջում գրում է․ «Ջուջուլասերների քվեն կփրկի կյանքեր.․. ուստի բոլոր մեյմունությունները՝ խղճահարություն առաջացնելու, քվեներ մուրալու համար են, հարիֆ չլինեք:
Տակը մնաց մեր խայտառակվելը ամենամյա ռեժիմով, էս ցիրկի փթիրներից երբ ենք ազատվելու, մեղա Աստծու»։

Գյումրիի ավագանու անդամ Ռուբեն Մխիթարյանը ֆեյսբուքյան իր էջում գրում է․ «Էլ չբողոքեք հայկական սերիալներից»:

Քաղաքագետ Վլադիմիր Մարտիրոսյանը ֆեյսբուքյան իր էջում գրում է․ «Արա՜, մարդ էլ բաժանվի ու ոչ մեկ չհավատա, որ բաժանվել ա»։

Պատմաբան Արեգ Սավգուլյանը ֆեյսբուքյան իր էջում գրում է․ «Հայակական Մոխրոտը․ Աննա Հակոբյանը ճամպրուկները հավաքել է և լքում է կառավարական առանձնատունը։ Հորդորում է իրեն հանգիստ թողնել։ Հրաժարվում է զարդերից, թանկարժեք զգեստներից և բոլոր ճոխություններից և ապրելու է վարձով, ասկետիկ կյանքով առանց թիկնազորի, որպես շարքային քաղաքացի, աշխատավարձով կամ «գերբարձր նպաստներով»։
Նախընտրական քա՞յլ, թե ապաշխարանք, զղջո՞ւմ, թե՞ հեռացում քաղաքական թատերաբեմից։ Բայց մեզ ավելի շատ հուզում է, թե ի՞նչ է կատարվում ետնաբեմում և ո՞ւմ ձեռքում են գտնվում հայկական խամաճիկային էլիտայի թելիկները։
Աննա Հակոբյանը մեզ նաև նախապատրաստում է, որ իր վրա Հակակոռուպցիոնը քրեական գործ է հարուցելու՝ որպես «Իմ քայլը» հիմնադրամի տնօրենի։
Հ.Գ. Հավատո՞ւմ եմ ես Մոխրոտիկի հեքիաթին, թե՞ ոչ, էական չէ, կյանքն ինձ ուսանել է «հավատալ բոլորին և վստահել ոչ ոքի»»։

***

Ռեժիսոր Մհեր Մկրտչյանը ֆեյսբուքյան իր էջում գրում է․ «Փայլուն դրամատուրգիա՝ Աննա Հակոբյանի կողմից:
Ուզում եմ հասկանամ, ինչի ա համացանցը սենց ուրախանում ու ծաղրում...
Դուք տենց խելացի եք, իրանք դեբի՞լ:
Հարգենք փոշիացված ձայների հիշատակը․..
Հ.Գ. Նիկոլենք ոնց որ թե ունեն պլան Բ, Ց, Դ.....
Իսկ դո՞ւք, հարգելի՛ ընդդիմադիրներ»:

***

Ադրբեջանական և ռուսական մի շարք լրատվամիջոցներ անդրադարձել են Աննա Հակոբյանի՝ վարչապետ Նիկոլ Փաշինյանի հետ իր ամուսնության ավարտի մասին հայտարարությանը։

«Հակոբյանի խոսքով՝ նա այսուհետ ապրելու է վարձակալած բնակարանում, քանի որ վարկով գնած տունը դեռևս կառուցման փուլում է։ Նա նաև ցանկանում է շարունակել իր աշխատանքը «Իմ քայլը» հիմնադրամում։ Սակայն Հակոբյանը չի բացառել այս գործունեության համար քրեական հետապնդման հնարավորությունը»,- գրում է 1news.az-ը։

«Հակոբյանը խնդրել է բոլորին՝ այդ թվում, ընկերներին, հարազատներին՝ այլևս չքննարկել այս թեման»,- գրում է ռուսական lenta.ru-ն։

Հայտարարությանն անդրադարձել են նաև ТАСС-ը, АПА-ն, Report-ը, Caliber-ը, minval.az-ը, modern.az-ը, media.az-ը, moscow-baku.ru-ն, novorosinform.org-ը, tsargrad.tv-ն և այն։

***

«Ազատ քաղաքացի» ՀԿ նախագահ Հովսեփ Խուրշուդյանը ֆեյսբուքյան իր էջում գրում է․ «1. Ափսոս, իհարկե.
2. Ցանկացած ընտանիքում էլ կարող է նման բան պատահել, մնում է հուսալ, որ բաժանմանը կհետևի վերամիավորումը: Ամեն դեպքում իրենց գործն է և ուրիշ ոչ մեկի: Էն որ ասում են չմտնենք «մատի ու մատանու արանքը».
3. Աչքիս երկու ամուսինների միջև հարաբերություններ կառավարելը պետություն կառավարելուց էլ բարդ բան է»: