ԱԺ «Հայաստան» խմբակցության մամուլի ասուլիսի ժամանակ պատգամավոր Գեղամ Մանուկյանն ասաց, որ իշխանությունները մեկ տարի շարունակ խուսափել են պատասխանել կարևորագույն հարցին՝ ինչո՞ւ Սյունիքը դարձավ անպաշտպան:
«Ամսի 3-ին վերջապես կարողացանք ստանալ մեր գլխավոր հարցման պատասխանը...: ՀՀ ԶՈՒ ԳՇ պետ, գեներալ Արտակ Դավթյանի ստորագրությամբ գրությունը փաստում է, որ 2020-ի դեկտեմբերին Սյունիքում ՀՀ ԶՈՒ ստորաբաժանումները, կամավորական խմբերը շուրջ 20 կմ հետ են քաշվել, Գորիս-Կապան ճանապարհի 21 կմ-անոց հատվածը դարձել է Ադրբեջանի տիրապետության տակ՝ գրավոր փաստաթղթի հիման վրա»,- ասաց Գ. Մանուկյանը:
«Հայաստան» խմբակցության պատգամավոր Աննա Գրիգորյանն էլ հավելեց, որ Պաշտպանության նախկին նախարար Վաղարշակ Հարությունյանը և ՌԴ պաշտպանության նախարար Սերգեյ Շոյգուն ստորագրել են փաստաթուղթ, որով հայկական զորքերը հետ են քաշվել՝ անվտանգային լուրջ սպառնալիքներ ստեղծելով Սյունիքի և, առհասարակ, ամբողջ ՀՀ-ի համար։
