Թուրքիայի իշխանությունները պատրաստ են անցակետ բացել Հայաստանի հետ սահմանին՝ Երևանի և Բաքվի միջև հարաբերությունների կարգավորման դեպքում։ Այս մասին, ինչպես հաղորդում են թուրքական լրատվամիջոցները, Կարս նահանգ կատարած այցի ժամանակ ասել է երկրի առևտրի նախարար Մեհմեդ Մուշը։
Նախարարի խոսքով՝ Հայաստանը պետք է կարգավորի հարաբերությունները Ադրբեջանի հետ, որից հետո «դռները կբացվեն»։
«Մենք հուսով ենք, որ Հայաստանը կազատվի սփյուռքի և արտաքին ուժերի ճնշումներից և կաջակցի դռների բացմանը՝ բարձրացնելով սեփական ժողովրդի բարեկեցության մակարդակը»,- ասել է Մուշը։
