Սուրբ Սարգիս զորավարի տոնը հռչակվել է Երիտասարդների օրհնության օր:
Այս տարի Սուրբ Սարգիսը նշվեց փետրվարի 12-ին:
Պարզվում է, որ հայ առաքելական եկեղեցու ամենասիրելի տոներից մեկը`Սուրբ Սարգսի տոնը, յուրահատուկ կերպով են նշել ոչ միայն երիտասարդները, այլ նաև
փոքրիկները: Չէ որ օրվա խորհուրդը սերն է:
«Մուրզիլկա» մանկապարտեզի փոքրիկները երգ ու պարի միջոցով, ջերմ և սիրառատ մթնոլորտում են անցկացրել առաքելական եկեղեցու այս տոնը: Դաստիարակների օգնությամբ նրանք գեղեցիկ թղթե բացիկներ են պատրաստել իրենց ծնողների համար:
«Ծնողի հանդեպ սերն աշխարհի ամենաուժեղ սերն է, պետք է բոլոր հնարավոր տարբերակներով ցույց տանք, թե որքան ենք սիրում մեր ծնողներին»,- ասում է «Մուրզիլկա» մանկապարտեզի թիմը և երեխաների մեջ դեռ կյանքի առաջին տարիներից սերմանում սերը:
Դե իսկ հաջորդ օրը` փետրվարի 13-ին, երեխաները մասնակցել են «Տյառնընդառաջ»-ի արարողությանը: Նրանք խոհանոցում գաթա են պատրաստել: Դաստիարակները ներկայացրել են օրվա խորհուրդը, պատմել տոնի ժողովրդական ավանդությունը և երեխաների հետ միասին բակում անցկացրել տոնակատարությունը:
Մանկապարտեզի գործունեությանը կարող եք ծանոթանալ ֆեյսբուքյան և ինստագրամյան էջերի միջոցով:
