Վարդենիսի ուղղությամբ հակառակորդի կրակոցից հայկական կողմն ունի մեկ զոհ։

Արմլուր.am-ի հաղորդմամբ՝ զոհվածը ժամկետային զինծառայող Փ․ Հ․֊ն է՝  Աշտարակի Բյուրական գյուղից։

Նշվում է, որ զոհված զինծառայողն ունի իրենից փոքր երկու եղբայր։

Հավելենք, որ Պաշտպանության նախարարությունը մինչ այս պահը պաշտոնական հաղորդագրություն դեռ չի տարածել։

Ավելի վաղ, «Հանուն Հայ զինվորի» ՀԿ ղեկավար Դավիթ Թորոսյանը ֆեյսբուքյան իր էջում տեղեկացրել էր․ «Ընկերներ, տեղեկությունները, որ գիշերը Վարդենիսի ուղղությամբ լարված է եղել, ճիշտ են, սահմանային գծի կոնկրետ հատվածում ընթացել է փոխհրաձգություն։ Վերջին ունեցած տվյալներով այժմ վիճակը նորմալ է, լուրջ միջադեպեր գիշերվանից հետո չեն եղել։ Իսկ զոհի կամ վիրավորի մասին ինֆոն ճիշտ կլինի, ՊՆ-ն տա։
Հ.Գ․ Երբ ասվում է «Վարդենիսի ուղղությամբ», պետք չէ հասկանալ միայն Վարդենիս քաղաքը, այլ պետք է հասկանալ պաշտպանական ուղղության-պաշտպանության թև իմաստով»։