«Տիկի՛ն Բաթոյան, դուք ներկայանում եք որպես նախագծի համահեղինակ, բայց իրականում մենք տեղեկացված ենք, որ այս նախագծի նախաձեռնության հեղինակը դուք չեք, այլ վարչապետի հետ ժամանակ առ ժամանակ ապրող մի կին՝ Աննա Հակոբյան անունով, և նա հայտարարել է, որ ինքն է այս նախաձեռնության հեղինակը։ Ուզում եմ անկեղծորեն ասեք, թե ով է այս նախագծի հեղինակը և այն ինչպես է հայտնվել ձեր ձեռքում, արդյոք որևէ մեկը ենթադրյալ ազդեցություն է օգտագործել ձեր նկատմամբ և ստիպել է այդ նախագիծը դնել շրջանառության մեջ՝ որպես պատգամավոր»,- ԱԺ-ում «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքում փոփոխություններ և լրացումներ կատարելու մասին նախագծի քննարկման ժամանակ, դիմելով նախագծի համահեղինակ և զեկուցող Զարուհի Բաթոյանին, ասաց «Ուժեղ Հայաստան» խմբակցության պատգամավոր Էդգար Ղազարյանը:
«Ձեզ հորդորում եմ հարգանքով արտահայտվել վարչապետի տիկին Աննա Հակոբյանի մասին։ Իսկ պատահեց մի բան, որ Էդգար Ղազարյան անունով անձը հայտնվեց ԱԺ-ում, ով չգիտի, որ ես տարիներ շարունակ զբաղվել եմ ընտանեկան բռնության հիմնահարցերով»,- պատասխանեց Բաթոյանը։