Շարունակվում են 2015 թվականի բյուջեի քննարկումները: Այսօր Ֆինանսների փոխնախարար Պավել Սաֆարյանը քննարկման ժամանակ ասաց, որ հանգստի, մշակույթի և կրոնի բնագավառի 2015 թվականին նախատեսված հատկացումները կազմում են 26 միլիարդ118 միլիոն 400 հազար դրամ:
«Հանգստի և սպորտի ծառայությունների համար 2015 թվականի նախատեսված են 1 միլիարդ 850 միլիոն 100 հազար դրամ` 2014 թվականի 1 միլիարդ 806 միլիոն 700 հազար դրամի փոխարեն: Մշակութային ծառայությունների համար նախատեսված է 13 միլիարդ 393 միլիոն 200 հազար դրամ»-, ասաց փոխնախարարը:
Ռադիո և հեռուստահաղորդումների հեռարձակման և հրատարակչական ծառայությունների իրականացման մասով փոխնախարարը տեղեկացրեց, որ 2015 թվականին նախատեսված է 8 միլիարդ 830 միլիոն 200 հազար դրամ` 2014 թվականի 5 միլիարդ 997 միլիոն 600 հազար դրամի փոխարեն: Նա ընդգծեց, որ գումարի ավելացումը պայմանավորված է Հանրային հեռուսատատեսությունից գովազդային հոլովակների բացակայությամբ:
