Հունիսի վերջին Արցախում ամառային ընտանեկան ճամբար կկազմակերպվի:Գերատեսչության ֆեյսբուքյան էջի փոխանցմամբ, ճամբարին կարող են մասնակցել 6-ից 13 տարեկան երեխաներ ունեցող ընտանիքներ:

Ծրագրի ընթացքում ընտանիք-թիմերը հնարավորություն կունենան արցախյան գեղատեսիլ բնության գրկում միասին անցկացնելու ազգային-ավանդական, մարզա-տուրիստական, մշակութային մրցույթներով և հետաքրքիր հանդիպումներով ու ծանոթություններով հագեցած օրեր:

Աղբյուր հաղորդմամբ, հայտերն ընդունվում են մինչև հունիսի 25-ը, իսկ լրացուցիչ տեղեկությունների համար ցանկացողները կարող են դիմել ԼՂՀ մշակույթի և երիտասարդության հարցերի նախարարության աշխատակազմի երիտասարդության հարցերի բաժին:

Artsakhpress.am

Լուսանկարը՝ Ալբերտ Ոսկանյանի