Արցախում զոհված Տիգրան Վահանի Մելքոնյանի մայրը՝ Նարինե Գալստյանը, ֆեյսբուքյան իր էջում գրառում է արել.
«Ամեն անգամ Եռաբլուր գնալիս մի նոր բան են պատմում ծառայակից ընկերներդ։ «Մոք ջան պահի տակ ոնց ջոգեց ինչ անի, եթե դիրքը չպահեր՝ ամբողջ 1800 հոգանոց չաստը կվերացնեին։ Էդ 6 ժամը , որ կռիվա տվել՝ հասցրել են Մատաղիսը դատարկեն՝ ամենքին մի տեղ ցրել են»։
ՀԱԶԱՐ ՓԱՌՔ ՔԵԶ ՏՂԵՍ»։
Հիշեցնենք, որ Տիգրանը չի ենթարկվել նահանջ հրամանին: Սեպտեմբերին գումարտակով մատաղ էին արել, գնացել եկեղեցի, իսկ սեպտեմբերի 25-ին բարձրացել էին դիրքեր: Առավոտյան 165-րդ մարտական դիրքի ուղղությամբ թշնամին ակտիվ գրոհ է սկսել անօդաչու թռչող սարքերով, տանկերով ու հրետանիով:
Հենց սկզբից Տիգրանն ընկերներին իջեցրել է դիրքերից, իսկ ինքը 6 սպաների հետ շարունակել է մարտնչել մինչև վերջին շունչը: Մատաղիսի Տիգրանը նահանջի հրամանին չի ենթարկվել, ավելին՝ 6 սպաներին ասել է. «Ոչ մի նահանջ, դուխով կռվեք»:
20-ամյա զինվորը ռացիայով հրամանատարին հասցրել է ասել, որ եթե հեռվից տեսնեն, որ թշնամուն հաջողվել է իրեն գերի վերցնել, թող իրեն մեջքից կրակեն:
Կարդացեք նաև՝ Ոչ մի նահանջ. Տիգրան Մելքոնյանը հրամանատարին ասել է, որ կրակեն իրեն մեջքից, եթե տեսնեն՝ գերի է ընկնում. Հերոսի կյանքն ու կռիվը