Esem.am –ը գրել է, որ թեև դեռ 90-ականներից դերասանուհի Անի Քոչարյանը խաղում էր թատրոնում, նա հայտնի դարձավ հանրությանը «Հարևաններ» սերիալով:
Իր առաջին դերը Անին խաղացել է 1995 թվականին կոմեդիայի թատրոնում «Ուշ լինի, նուշ լինի» ներկայացման մեջ` մասսայական տեսարանում, որից երկու տարի հետո դերասանուհին նույն այդ ներկայացման մեջ մարմնավորել է գլխավոր հերոսուհուն` Նազիկին: Դերասանուհին մինչ օրս խաղում է թատրոնում, որը դերասանուհու համար ավելի հոգեհարազատ է. «Շատ եմ սիրում բեմը. դա ուրիշ հաճույք է: Ինձ համար ավելի հոգեհարազատ է թատրոնը, բայց այնպես չէ, որ չեմ սիրում հեռուստատեսությունը: Դա լրիվ այլ է, ուրիշ է ասելիքը»:
Հեռուստատեսություն
Իրեն հայտնի չհամարող դերասանուհին, ով երկար տարիներ աշխատել է Հ. Պարոնյանի անվան երաժշտական կոմեդիայի պետական թատրոնում, հեռուստատեսային կարիերայի սկիզբը համարում է «Հարևաններ» հեռուստասերիալը: «Շատ եմ ցավում, որ այսօր դերասաններին ճանաչում են սերիալների միջոցով: Նախքան սերիալները, նկարահանվել եմ գեղարվեստական ֆիլմերում (իհարկե փոքրիկ դերակատարմամբ), գովազդային հոլովակներում, բայց հայտնի դարձա եղավ «Հարևաններ» սերիալից հետո»,- ասել է Անին, ով կարևորում է և´ հեռուստատեսությունը, և´ թատրոնը:
Հաջողություններ
Անին իրեն հաջողակ է համար և նշում, որ կյանքում իրեն ամեն բան հեշտ է տրվում: «Այն ինչ Աստված ինձ տվել է, ես կարողացել եմ գնահատել, նույնիսկ շատ փոքր բաները: Ամենակարևորը` չեմ դժգոհում ոչնչից»,- նշել է դերասանուհին, ով կյանքում իր ամենամեծ ձեռքբերումը ընտանիքն է համարում:
Ընտանիք
Անին ապրում է ամուսնու` Մառլենի և երկու երեխաների հետ. «Աղջիկս 26 տարեկան է, տղաս` 10: Ամուսինս իմ մասնագիտության հետ կապ չունի: Նա ֆուտբոլիստ է եղել, ապա բիզնեսով զբաղվել»,-ասել է Անին, ով ընտանիքում իրեն կայացած կին է համարում:
Լուրեր, բամբասանքներ
Անին նշում է, որ իր մասին լուրեր ու բամբասանքներ շատ է լսում, սակայն իր համար ամենազավեշտալին պլաստիկ վիրահատության դիմելու մասին տարածված լուրերն են: «Վերջերս չեմ հիշում, թե որ ամսագրից էր, բայց հարցազրույցի ժամանակ ասացին, որ լսել ենք, որ բազմիցս պլաստիկ վիրահատությունների եք դիմել (ծիծաղում է.-հեղ.): Ուզում եմ ևս մեկ անգամ շեշտել, որ պլաստիկ վիրահատությունների առհասարակ չեմ դիմել: Շատերին կարող է տարօրինակ թվալ, ու գուցե ինձ նախնադարյան կին համարեն, բայց ես երբեք նույնիսկ կոսմետոլոգի չեմ դիմել. կարծում եմ` դրա կարիքը առայժմ չունեմ»,- ասել է դերասանուհին:
Առավել մանրամասն` այստեղ
