Զոհրապ Եգանյանը ֆեյսբուքյան իր էջում գրում է․
Մեր պետականությունն ավելի ուժեղ կլինի, երբ աճեն ու դասական կորպորացիաներ դառնան հայկական կապիտալով ընկերությունները: Կլինի Picsart, Betconstruct, GG, Tetchenge թե մեկ ուրիշը, բայց հայկական ընկերությունները պետք է նվաճեն աշխարհը:
Այսօր պետություններից ոչ պակաս, եթե չասենք առավել ուժեղ են հենց կորպորացիաները, օրինակ google-ը, Amazon-ը և մի շարք այլ հսկաներ ավելի հարուստ են, քան աշխարհի պետությունների 95%-ը, մեր արևելյան հարևանի ստեղծած նավթա-գազային կորպորացիան ավելի շատ փող ունի, քան Հայաստանն ու Վրաստանը միասին վերցրած, նման ընկերություններ ունենալու դեպքում շատ ավելի է հեշտանում լոբբիստական աշխատանքը, հետախուզությունը, պետության արտարժույթային անվտանգությունը և այսպես շարունակ: Ընդհանրապես, գնալով աշխարհը սկսում է կառավարվել նմնան ընկերությունների կողմից ու պետության մեր իմացած ձևը դառնում է ոչ մրցունակ: Հիշեք, ինչպիսի մասշտաբային հարցեր էին լուծում ժամանակին Արևելահնդկական կամ վենետիկյան կորպորացիաները, Վենետիկը միայն իր փողերով կարողանում էր իր ուզած պահին ապակայունացնել Թուրքիայի, նաև Ֆրանսիայի նման կայսրություններ: Եկեք հեռուն նայենք, պետության զարգացման պատկերացումները փոխենք, օգնենք, որ դրսում աճի հայկական կապիտալով խոշոր ընկերությունները: Ապագան սա է, եթե չունեցանք հայկական գոնե մեկ մրցունակ կորպորացիա, ապագան շատ մշուշոտ կլինի:
