▲ Դեպի վեր

lang.iso lang.iso lang.iso

Արա Զոհրաբյանը ներկայացրել է 2020-ին կորոնավիրուսի հետևանքով մահացությունների պաշտոնական վիճակագրական տվյալներ

 

Փաստաբանների պալատի նախկին նախագահ Արա Զոհրաբյանի գրառումը. «ՔՈՎԻԴԻ ՀԵՏ ԿԱՊՎԱԾ ՄԱՀԵՐԻ 2020Թ. ՎԻՃԱԿԱԳՐՈՒԹՅՈՒՆ

Այսօր ներկայացնելու եմ ձեզ պաշտոնական վիճակագրական տվյալներ 2020 թվական մահացությունների վերաբերյալ։

Հայաստանում 2020 թվականին տարբեր պատճառներից մահացել է 36170 մարդ: Եթե այս թիվը բաժանենք տարվա օրերի վրա, ապա կստանանք, որ Հայաստանում օրական միջինը մահացել է 99 մարդ:

2020 թվականին քովիդից Հայաստանում մահացել է 3545 մարդ:

Փորձենք հասկանալ այս մահերի վիճակագրությունը՝ ըստ տարիքային խմբերի:

0-4 տարեկան խմբում մահացել է 0 մարդ.

5-14 տարեկան խմբում մահացել է 0 մարդ.

15-19 տարեկան խմբում մահացել է 1 մարդ, ընդհանուր Քովիդ մահերի թվում՝ 0,03%

20-29 տարեկան խմբում մահացել է 7 մարդ, ընդհանուր մահացածների թվում՝ 0,2%

30-39 տարեկան խմբում մահացել է 27 մարդ, ընդհանուր մահացածների թվում՝ 0,76%

40-49 տարեկան խմբում մահացել է 103 մարդ, ընդհանուր մահացածների թվում՝ 2,9%

50-59 տարեկան խմբում մահացել է 402 մարդ, ընդհանուր մահացածների թվում՝ 11,3%

60-69 տարեկան խմբում մահացել է 1068 մարդ, ընդհանուր մահերի թվում՝ 30,13%

70-ից բարձրերի խմբում մահացել է 1937մարդ, ընդհանուր մահացածների թվում՝ 54,6%

Ի՞նչ է ստացվում, 60-ից բարձր տարիքի անձանց խմբում քովիդից մահացածների տոկոսը կազմում է մոտ 85 տոկոս, իսկ առողջապահության նախարարի այս հրամանով ճնշումների հիմնական թիրախը աշխատող մարդիկ են:

Ի՞նչ իմաստ ունի երիտասարդներին ստիպել պատվաստվել։

Ինչու չի այդ էներգիան և միջոցները ծախսվում մարդկանց բուժումը ժամանակին և արդյունավետ կազմակերպելու համար:

Վարչարարությունը չի հասնում խոցելի խմբերին:

Մենք բազմաթիվ հարցումներ ենք կատարել առողջապահության նախարարությանը: Պատասխանների մի մասը ստացել ենք: Մասնագետներն աշխատում են այդ տվյալների հետ: Դեռ չենք ստացել քովիդից մահացածների ուղեկցող հիվանդությունների մասին տեղեկությունները: Ուզում եմ նաև հիշեցնել, որ քովիդով վարակված մարդկանց 2 տոկոսն է մահանում: Այս վիճակագրությունն ինչպես ամբողջ աշխարհում է, այնպես էլ՝ Հայաստանում:
Հիշեցնում եմ, որ Ազատ կամք նախաձեռնությունը դեմ է պատվաստման ՊԱՐՏԱԴՐԱՆՔԻՆ»:

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին