Առավոտից ստանում եմ ահազանգեր Երևան քաղաքի տարբեր դպրոցներից, հատկապես՝ Կենտրոն և էրեբունի վարչական շրջանների դպրոցների աշխատակիցներից, որ Նիկոլ Փաշինյանի վաղվա երթի համար իրենց հորդորում են, խորհուրդ են տալիս, հավաքագրում են մասնակցության համար։
Այս մասին ֆեյսբուքյան ուղիղ եթերում հայտարարեց ՀՀԿ փոխնախագահ Արմեն Աշոտյանը: «Ասում են, որ խրախուսվում է ձեր մասնակցությունը վաղվա երթին, ձեզ համար լավ կլինի, որ գաք, վաղը կոլեկտիվներով հավաքվե՛ք, եկե՛ք երթի»,- փոխանցեց նա իրեն հասցեագրված ահազանգերը և նշեց, որ այդ դրանք ճշտվել են, և այդ մարդիկ վերահաստատել են իրենց իմացած ինֆորմացիան, որ իշխանությունները մաքսիմալ քանակով մարդ են հավաքագրում:
Այսինքն՝ այսօրվա իշխանությունները կրկնում են այն աշխատաոճը, որում ժամանակին մեզ էին մեղադրում, վարչական լծակներից օգտվել չեն խորշում՝ դեռ ընտրարշավը չմեկնարկած»,- ասաց նա:
Աշոտյանը հորդորեց ոլորտի պատասխանատուներին և Երևանի քաղաքապետին անհապաղ զբաղվել այս հարցով:
Բացի դրանից, նա նաև նշեց, որ մի խումբ գիտնականներից նամակ է ստացել, ովքեր բարձրաձայնում են, որ ՀՀ-ի բոլոր ՊՈԱԿ-ների, նաև գիտակրթական ուսհաստատությունների բանկային հաշիվները տեղափոխվելու են ՀՀ գանձապետական հաշիվ:
«Սա մեծ հարված է հասցնելու գիտակրթական հիմնարկների ակադեմիական ազատություններին, այսինքն՝ գիտնականները և կրթությամբ զբաղվող մարդիկ մեծապես կախված են լինելու պետությունից, թե ֆինանսավորումը երբ ու ինչպես կհատկացվի»,- ասաց նա և նշեց, որ շատ գրանտային ծրագրեր ըստ այդմ կարող են չտրամադրել, քանի որ գումարները բացառապես գիտական կառույցներին են փոխանցվում:
Կարդացեք նաև՝ ՀՀԿ-ն 20 տարի այնքան բան է արել, որ փողոցով անգամ չկարողանա քայլել. Նիկոլ Փաշինյան
ՀՀ վարչապետի պաշտոնակատարը սենյակից պետք է դուրս չգա՞. Փաշինյանը՝ իրեն ուղղված մեղադրանքների մասին
Ամենամտահոգ քաղաքացին հիմա կանգնած է ձեր դիմաց. Փաշինյանը՝ ՀՀԿ-ի կարգախոսի մասին
Մեծ ու անսովոր երթ Երեւանում. Նիկոլ Փաշինյանի կոչը
