Արժույթի միջազգային հիմնադրամը հաստատել է Հայաստանին 36 ամիս ժամկետով «Սթենդ-Բայ» տեսակի վարկային միջոցների տրամադրումը` շուրջ 248.2 մլն ԱՄՆ դոլարի չափով: Վարկային միջոցները դիտարկվելու են որպես կանխարգելիչ միջոց և չեն օգտագործվելու, քանի դեռ շոկերը չեն առաջացրել վճարային հաշվեկշռի հետ կապված խնդիրներ:
Վարկային միջոցները նպատակաուղղվելու են ՀՀ տնտեսական հիմնարարների և քաղաքականության ամրապնդմանը, ինչպես նաև կառուցվածքային բարեփոխումների իրականացմանը, մասնավորապես՝ արդյունավետ կառավարմանը և գործարար միջավայրի բարելավմանը:
Հիշեցնենք, որ Նիկոլ Փաշինյանն ԱՄՀ հայաստանյան առաքելության ղեկավար Հոսեյն Սամիեիի հետ հանդիպել էր այս տարվա փետրվարին, Երևանում:
