Հունիսի 17-18-ին Սանկտ Պետերբուրգի «Ազիմուտ» կոնգրես հյուրանոցում տեղի կունենա Neva buyers week՝ լայնամասշտաբ իրադարձություն, որը տարածաշրջանային մատակարարների համար ճանապարհ է բացում դեպի միջազգային շուկա:
Երկօրյա ֆորումը կենտրոնանալու է մանրածախ ցանցերի հետ աշխատանքին նախապատրաստվելու, ինչպես նաև Ռուսաստանի և արտասահմանյան մանրածախ ցանցերի ապրանքների մատակարման շուրջ անմիջական բանակցությունների վրա։
ArLeAM-ը Neva Buyers Week 2021-ի գլխավոր հովանավորն է։
Ֆորումում ArLeAM ընկերությունը կներկայացնի իր և սեփական ապրանքանիշի ներքո միավորված հայ արտադրողների բարձրորակ արտադրանք սեփական ինտենսիվ այգիներից, ինչպես նաև մրգեր, չրեր, մրգերային և բանջարեղենային չիպսեր, բնական հյութեր, մեղր ու թեյեր։
Փոքր և միջին արտադրողները, համագործակցելով ArLeAM-ի հետ, հնարավորություն են ստանում մուտք գործել մեծ շուկա, ավելացնել արտադրության ծավալները և զարգացնել սեփական բիզնեսը:
ArLeAM-ը նորարարական գյուղատնտեսական հոլդինգ է, որը համախմբում է բարձրորակ գինու, կոնյակի և այլ ապրանքների արտադրողներին ArLeAM և Դուռ (Door) ապրանքանիշերի ներքո` հանդես գալով որպես որակի երաշխավոր:
ArLeAM ընկերությունը նաև հանդիսանում էր ProdExpo-2021 խոշոր միջազգային ցուցահանդեսի գլխավոր հովանավորը:
ProdExpo-2021-ը սննդամթերքի և խմիչքների ամենամեծ միջազգային ցուցահանդեսն է Ռուսաստանում և Արևելյան Եվրոպայում: Ցուցահանդեսին ներկայացվել են պարենային ապրանքներ, ալկոհոլային և ոչ ալկոհոլային արտադրանքներ աշխարհի ավելի քան 70 երկրներից: Հինգօրյա ցուցահանդեսին մասնակցում էին հարյուր հազարավոր այցելուներ ամբողջ աշխարհից:
