ԽՍՀՄ և ՌԴ ժողովրդական արտիստ Արմեն Ջիգարխանյանը ապաքինվում է: Դերասանին վերակենդանացման բաժանմունքից տեղափոխել են ընդհանուր հիվանդասենյակ: Այս մասին հայտնում է kp.ru-ն:
«Արմեն Բորիսովիչը տեղափոխվել է ընդհանուր հիվանդասենյակ, նա իրեն նորմալ է զգում. զանգերի է պատասխանում, խոսում է և ինչպես միշտ՝ կատակում»,- ասել են բժիշկները:
Հիշեցնենք, որ Արմեն Ջիգարխանյանն շաբաթ օրը վերակենդանացման բաժանմունքում էր հայտնվել սրտի կաթվածի կասկածանքով, սակայն այս ախտորոշումը չէր հաստատվել:
Նշենք, որ դերասան Արմեն Ջիգարխանյանը երրորդ անգամ ամուսնացել է Վիտալինա Ցիմբալյուկ Ռոմանովսկայաի հետ։ Զույգը մտերիմների ընկերակցությամբ օրինականացրել է հարաբերությունները ՔԿԱԳ-ում:
