Դիտեք նաև՝

Asekose.am-ի և ՄԵԳԱՊՈԼԻՍ ԱՄՍԱԳՐԻ հարցերին պատասխանում է երգչուհի  Արմինկան (Արմինե Նահապետյան):

 -Կկարողանա՞ք հիշել  փոքրիկ Արմինկայի ամենամեծ  «հոգսը»:

-Որպես «հոգս» ինձ համար կատարյալ  լինելն էր ու փորձել  աշխարհը «կատարյալ» դարձնելը:

-Իրակա՞ն,  թե երազների աշխարհում եք նախընտրում ապրել:

 -Ես ապրում եմ իրական աշխարհում` իմ մեջ ունենալով իմ  «գաղտնի» աշխարհը, և երբեք չեմ դադարում երազել:

 -Կյա՞նքն է երաժշտություն թե՞ երաժշտությունը կյանք:

-Կյանքը սեր է , երաժշտությունը` կյանք:

-Ո՟ր հարցերում եք անդրդվելի:

-Բոլոր սկզբունքային ու արժանապատվությանս վերաբերող հարցերում:

-Սահմանված կանոններ, որոնք Ձեզ համար ընդունելի չեն:

 -Կեղծ ու սուտ բարոյական կանոններն ու ծեսերը:

 -Ինչ   ասեկոսեներ        եք      լսել   Ձեր մասին, որոնք  զայրացրել և զվարճացրել են Ձեզ:

 - Դրանք այնքան շատ են, որ վաղուց պարզապես անցնում են կողքովս:

-Արմինկան հավատում է , որ…:

-Արմինկան հավատում է իր Տեր Աստծուն:

-Եթե հանդիպեիք Աստծուն, կխնդրեիք…:

-Երբ տեսնեմ, հնարավոր է՝ կորցնեմ խոսելու կարողությունս...

 Հեղինակ` Անի Բեքիրյան