Նիկոլ Փաշինյանը տեսանյութ է հրապարակել ֆեյսբուքյան իր էջում ու գրել. «Ավիացիայի մասին շատ լացողները երկար տարիներ քանդել են այն: Այս մասին խոսել եմ դեռ հունվարի 25-ին Կապանում տեղի ունեցած ասուլիսին»:
Հիշեցնենք, որ այսօր վարչապետ Նիկոլ Փաշինյանի՝ ավիացիայի գծով խորհրդական Հակոբ Ճաղարյանն ազատվել է պաշտոնից: Ավելի ուշ նա ֆեյսբուքյան իր էջում գրառում էր արել.
«Աշխատանքից ազատվելու իմ որոշման հիմքերը հանդիսանում են Քաղաքացիական Ավիացիայի հանդեպ ցուցաբերվող կործանիչ, քայքայիչ եւ ապապետական մոտեցումները: Պաշտոնից հրաժարվելը իմ որոշումն է: Եվ, ինչպես գրել եմ հրաժարականիս պահանջում, ես հրաժարվում եմ տաքուկ տեղ գտած, անհաղորդ խորհուրդներով «խորհրդականի» անպիտան կարգավիճակից»: