▲ Դեպի վեր

lang.iso lang.iso lang.iso

Բա՞ն է փոխվել, էլ նախկին արժեքները չկա՞ն․ Թեհմինա Վարդանյան

Ավաղ, օր օրի առաջին օգտագործման ապրանքների գնի բարձրացմանն ենք ականատես լինում։ Այս մասին ֆեյսբուքյան իր էջում գրել է Երևանի ավագանու «Լույս» խմբակցության անդամ Թեհմինա Վարդանյանը։

«2018 թվականին «Ելք» դաշինքը պայքարում էր ընդդեմ շղթայական թանկացումների։ Պայքարում էր հանուն քաղաքացու շահի ու հանուն լավ պետության տեսլականի։

Անցան բուռն երկու տարիներ։ Տեղի ունեցավ հեղափոխություն, որի արդյունքում, կարծես թե, պետք է քաղաքացին ավելի արժանավայել կյանք ունենար և, այո՛, բարձրանար կյանքի որակը։ Իշխանությունը ստանձնեց «Ելք» դաշինքի մաս կազմող կուսակցություն։ Ավաղ, օր օրի ականատես ենք լինում առաջին օգտագործման ապրանքների գնի բարձրացման և, ինչու ոչ, շղթայական թանկացումների։ Բայց դա, երևի թե, մեզ թվում է։ Երևի թե, աղքատությունը մեր գլխում է։

Հ.Գ. Ընկերներ, բա՞ն է փոխվել։ Էլ նախկին արժեքները չկա՞ն։ Էլ նախկին ազնիվ մղումները չկա՞ն։ Մենք միասին էինք չէ՞ պայքարում նման երևույթների դեմ։ Թե՞ ինչ-որ բան լավ չեմ հիշում։

Այո՛, իհարկե, հեղափոխությունը ակներև է։ Սկզբունքներ են փոխվել»,-նշել է նա։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին