Այսօր ՀՀ ՊՆ վարչական համալիրում ՀՀ ռազմաուսումնական հաստատությունների 2017-2018 թթ. ուսումնական տարվա ավարտական միջոցառման ժամանակ վարչապետ Նիկոլ Փաշինյանն անդրադարձել է Ադրբեջանի՝ խաղաղության մթնոլորտը խաթարելու գործողություններին:
«Մենք կարծում ենք, որ խաղաղ, բանակցային ճանապարհով հարցի կարգավորումը կարեւոր է ու հնարավոր, բայց ասում ենք նաեւ, որ դրա համար անհրաժեշտ է համապատասխան մթնոլորտ: Ցավոք սրտի, Ադրբեջանն իր գործողություններով եւ հռետորաբանությամբ խաթարում է խաղաղության մթնոլորտը եւ հնարավորությունը, ու մենք համարժեք ենք լինելու իրավիճակին»,- հայտարարել է վարչապետը:
Վերջինս նշել է, որ այս հարցում որեւէ դիրքորոշում որդեգրված չէ.
«Եթե Ադրբեջանը վերանայի իր մոտեցումը ու նպաստի խաղաղության մթնոլորտի հաստատմանը, այդ դեպքում հայկական կողմը եւս համապատասխան ու համարժեք քայլեր կձեռնարկի»,- նշել է Նիկոլ Փաշինյանը:
Կարդացեք նաև՝ Պաշտպանության նախարարը շատ ճիշտ է արել, որ այդպիսի հայտարարություն է արել. Նիկոլ Փաշինյան
Ձեր աչքերի մեջ տեսնում եմ մեր ապագա հաղթանակները. Նիկոլ Փաշինյան