▲ Դեպի վեր

lang.iso lang.iso lang.iso

Բախվել են Ծառուկյանի և Սարոյանի մեքենաները. կա վիրավոր

Ոստիկանության քննչական գլխավոր վարչության Շիրակի բաժնի քննչական բաժնում նյութեր են նախապատրաստվում երեկ Շիրակի մարզում տեղի ունեցած ավտովթարի փաստով։

Ինչպես հայտնում է shamshyan.com-ը ը, ժամը 12։30-ի սահմաններում Աշոցքի տարածաշրջանի Տիրամայր Նարեկ հիվանդանոցից ոստիկանության Աշոցքի բաժին հայտնել են, որ կրծքավանդակի ձախ կեսի սալջարդ վնասվածքով բուժօգնության է դիմել Գյումրի քաղաքի Գարեգին Նժդեհի 19ա շենքի բնակիչ 57-ամյա Աշոտ Խաչատրյանը։

Հիվանդանոց մեկնած ոստիկանության Աշոցքի բաժնի օպերատիվ-քննչական խումբը պարզել է, որ ժամը 11։00-ի սահմաններում Երևան-Գյումրի-Բավրա միջպետական ավտոճանապարհի 154 կմ հատվածում բախվել են Շիրակի մարզի Ախոյան գյուղի բնակիչ 29-ամյա Արմեն Ծառուկյանի վարած «Սուզուկի XԼ7» մակնիշի 68 ԼQ 888 համարանիշի ավտոմեքենան և Շիրակի մարզի Հայրենյաց գյուղի բնակիչ 23-ամյա Տիգրան Սարոյանի վարած «Օպել Աստրա» մակնիշի 34 ՏT 033 համարանիշի ավտոմքենաները։ Ֆոտոլրագրողը հայտնում է, որ վթարի հետևանքով «Օպել Աստրա»-ի ուղևոր Ա. Խաչատրյանը մարմնական վնասվածքով տեղափոխվել է Տիրամայր Նարեկ հիվանդանոց։

shamshyan.com-ը հայտնում է, որ Ա. Խաչատրյանը աշխատում է Բավրայի մաքսակետում պետի տեղակալ, իսկ Տ. Սարոյանը նույն մաքսակետում որպես «Ինգո-Արմենիա» ապահովագրական ընկերության գործակալ, իսկ Ա. Ծառուկյանը ՀՀ Ազգային անվտանգության ծառայության սահմանապահ զորքերի Բավրայի հսկիչ-անցագրային կետում որպես ավագ հսկիչ։

Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի աշխատակիցները՝ դասակի հրամանատար Գևորգ Դավթյանի գլխավորությամբ։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին