Տարածքային կառավարման և զարգացման նախարար Սուրեն Պապիկյանը ֆեյսբուքյան իր էջում ուղիղ եթերով անդրադարձել է մարզպետների նշանակմանը և այլ հարցերի.
«Տարբեր մարդկանց անունների հետ կապված լուրեր կան, թե իբր այդ մարդիկ պատրաստվում են նշնակվել մարզպետներ։ Ըստ ՀՀ Սահմանադրության՝ մարզպետներին նշանակում է կառավարությունը։ Վարչապետը կկատարի ճիշտ ընտրությունը և դուք կունենաք այնպիսի պաշտոնյաններ, ովքեր ամենայն պատասխանատվությամբ կկրեն իրենց պաշտոնները»,- ասաց նա։
Նա նաև անդրադարձավ լուրերին, որ բազմաթիվ քաղաքացիներ շարժման անունից հանդես գալով գնում են գյուղեր և պահանջում գյուղապետրին հրաժարական տալ։
«Ի պաշտոնե հայտարարում եմ, որ նման բան չկա։ Հորդորում եմ դադարեցնել ստահոդ հայտարարությունները և մեր անունից հանդես չգալ»,- ասաց նախարարը։
