Հայաստանից հստակ արձագանք ենք սպասում։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով տեղեկություններն այն մասին, թե, իբր, ապրիլի 5-ին Բրյուսելում կայացած Հայաստան-ԵՄ-ԱՄՆ հանդիպման ժամանակ ռազմաքաղաքական պայմանավորվածություններ են ձեռք բերվել։ «Չենք զարմանա, եթե պարզվի, որ ՌԴ ռազմաբազան և սահմանապահները փոխարինվում են արևմտյան մասնագետներով»,- ասել է Զախարովան։

***

Ադրբեջանի իշխանությունները վերաինտեգրման հատուկ ծրագիր ունեն։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Ռուսաստանը ողջունում է այդ քայլը։ Լեռնային Ղարաբաղի հայերը պետք է տարածաշրջան վերադառնալու հնարավորություն ունենան։ Սակայն այդ հարցը պետք է տարանջատել 80-ականների վերջին և 90-ականների սկզբին Հայաստանից և Ադրբեջանից հեռացած քաղաքացիների վերադարձի թեմայից։ Ուստի պետք է ահռելի աշխատանք կատարել՝ համալիր կերպով կարգավորելու հայ-ադրբեջանական հարաբերությունները»,- ասել է Զախարովան։

***

Ամեն օր համոզվում ենք, որ ԵՄ-ն դրական ներդրում չի կատարում Երևանի և Բաքվի միջև հարաբերությունների կարգավորման գործում։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«ԵՄ ներկայացուցիչները զբաղվում են տարբեր սադրանքներով, հետախուզական գործունեությամբ, քարոզչությամբ։ Հարավային Կովկասում ցանկացած խնդիր պետք է կարգավորվի՝ հաշվի առնելով Հարավային Կովկասի բոլոր երկրների շահերը։ Օրերս Հայաստան է ժամանել կանադացի փորձագետ։ Թե որն է հայերի համար նման որոշման կարևորությունը, դեռ պարզ չէ։ Միայն պարզ է, որ այս իրավիճակում ԱՄՆ-ի կրտսեր գործընկերը՝ ԵՄ-ն, օգտագործվում է Վաշինգթոնի կողմից՝ տարածաշրջան ՆԱՏՕ-ի ուժեր ներգրավելու համար»,- ասել է Զախարովան։