Ռուս-թուրքական հարաբերությունների հնարավոր կարգավորումից հետո ռուսական aif.ru կայքը փորձել է պարզել, թե ինչպես են այդ ամենին արձագանքել Թուրքիայի շարքային քաղաքացիները:
Ըստ կայքի` իրենց զրուցակիցների մեծ մասը նշել է, որ ուրախ է, որ ռուս-թուրքական հարաբերությունները կրկին բարելավվելու են, քանի որ այդ ամենից առաջին հերթին տուժում էին Թուրքիայի տնտեսությունը և զբոսաշրջությունը:
Թուրք ուսանողուհիներից մեկը կարծիք է հայտնել, որ Էրդողանն ինչ-որ քայլ անելուց առաջ ոչ մեկին չի հարցնում, և այդ ամենի պատճառով տուժում է թուրք ժողովուրդը:
Մեկ այլ կարծիքի համաձայն` Էրդողանը ներողություն է խնդրել այն բանի համար, որ ՆԱՏՕ-Ն միայնակ է թողել Էրդողանին, և նա դեմ առ դեմ հանդիպել է իր թույլ տված սխալներին:
Ամենահետաքրքիր տեսակետը հնչեցրել էր մի թուրք տղամարդ` ասելով հետևյալը.
«Նախագահ Պուտին, զգույշ եղեք Էրդողանի հետ: Նա կանաչ օձ է կանաչ թփի տակ: Էրդողանը արդեն երկար ժամանակ է, ինչ լրտես է»:
«Չներես նրան, պարոն Պուտին»,-ասել է թուրք զրուցակիցներից մեկը:
