Ֆեյսբուքյան օգտատեր Սերգեյ Սարգսյանը ֆեսբուքյան իր էջում գրել էր, որ իր հումորային տեսանյութի համար իրեն ծեծի են ենթարկել, ինչի կապակցությամբ ոստիկանությունում հաղորդում է ներկայացրել։
ArmDaily.am-ի հետ զրույցում ՀՀ ոստիկանության հասարակայնության հետ կապի և լրատվության վարչության ԶԼՄ-ների հետ կապի, վերլուծության և լրատվության բաժնի պետ Զարզանդ Գաբրիելյանը հայտնել է, որ մարտի 15-ին ժամը 18.40-ին ոստիկանության Կենտրոնականի բաժին հաղորդում էր ստացվել մի քաղաքացուց, որ Սարյան փողոցի սրճարաններից մեկում իրեն և իր ընտանիքի անդամներին ծեծել են:
«Մեկնած օպերատիվ խումբը պարզել էր, որ նույն օրը ժամը 16.45-ին նշված սրճարանի մոտ, վիճաբանության ժամանակ, երեք անհայտ անձինք հարվածներ են հասցրել ահազանգող քաղաքացուն և մի կնոջ՝ պատճառելով վնասվածքներ: Նրանցից ընդունվել էին հաղորդումներ: Նշանակվել էր դատաբժշկական փորձաքննություններ:
Քրեական հետախուզության բաժանմունքի ծառայողների կողմից ձեռնարկված միջոցառումների շնորհիվ պարզվել է նշված արարքը կատարած երեք անձանց ինքնությունը, ովքեր անցկացված բացատրական աշխատանքների շնորհիվ մարտի 17-ին ներկայացրել են բաժին, տվել խոստովանական բացատրություն: Նախապատրաստվում են նյութեր»:
Հիշեցնենք, նա իր անձնական էջում տեղադրել եմ մի հումորային տեսահոլովակ, որում, իր խոսքով հայտնում էր իր աջակցությունը «էջմիածնեցի մորքուրին», ով կարողացել է լուծել խցանումների հարցը և որքան հեշտ է դարձել երթևեկելը Երևանի փողոցներով հենց նրա շնորհիվ:
Կարդացեք նաև՝ 3 դիմակավորված անձիք հարձակվել են ինձ վրա. էջմիածնեցի կնոջ հարազատների կողմից ծեծի ենթարկվածի գրառումը
