Պատմաբան, գրող, հրապարակախոս Վահե Լոռենցի ֆեյսբուքյան գրառումը. «Գագիկ Ծառուկյանի նկատմամբ իրականացվող գործողությունների համար, տեսնում եմ, շատ «ընդդիմադիր» գործիչներ ողբաձայն ու լալահառաջ աղմուկ են բարձրացնում։ Իրավացի՛ եք։ Ճի՛շտ եք անում։
Բայց․
2015 թվականին, երբ ձեր պաշտպանած, փայփայած, գուրգուրած, աստվածացրած Սերժը, երբ կարում էր իր կոստյումը՝ բռնաբարելով ՀՀ սահմանադրությունը, ստով, կեղծիքով, և նույն Ծառուկյանն ընդդիմացավ նրան, բա դուք ի՞նչ արեցիք, պարոնայք անաչառ, անկաշառ, հայրենանվեր քաղգործիչներ։ Երբ Սերժը ՀՀ պառլամենտում նրան Դոդ անվանեց, ամենավատ, նախագահին ոչ վայել բառերով վիրավորեց, բա դուք ի՞նչ արեցիք այն ժամանակ, երբ իշխանության ղեկին էիք, կամ՝ իշխանությունների արբանյակներն էիք։ Ոչինչ չարեցիք․ չէ՛, կներեք․ ծափահարեցի՛ք Սերժին։ Ստրուկի պե՛ս։ Այնպես որ, սա էլ հերթական մի փաստարկ, որ դուք ազնիվ չեք, դուք ընդդիմություն էլ չեք, դու՛ք եք կերտել թե՛ Նիկոլին, թե՛ նիկոլիզմը։ Վայելե՛ք լիարժեք»։