Ես զարմանում եմ, թե ո՞նց մեր գերաճ ստամոքսով ու թերաճ ուղեղով օլիգարխները չեն ֆայմում մի չարազի մարկետ բացեն՝ ապառիկի գնումների ձևակերպումով, որը կգործի տարվա մեջ մեկ ամիս՝ դեկտեմբերը: Անունն էլ կարելի ա դնել 'Չարազնոց':

 Պատկերացրեք ամբողջ օրը TV - ով նոր գովազդ ՝ «Առաջին անգամ Հայասատնում, աննախադեպ, աշխարհում գոյություն չունեցող 'Չարազնոցը' իր հյուրընկալ դռներն է բացում ձեր առաջ: Ապառիկի ձևակերպումը տեղում, 15%-20% տարեկան տոկոսադրույքով: Գնեք մեկ կիլոգրամ պնդուկ, ստացեք մի հատիկ պնդուկ տեղում համտեսելու համար»:

Հա, լուրջ եմ ասում՝ մի ամիս աշխատեն, մի տարի փողերը հավաքեն: Հաստատ համոզված եմ հերթի տակ չարազ է, որ կցրեն ու ժողովուրդն էլ չտես գյոռմամիշի նման, լրիվ 'Ամբոխները խելագարված' ամպլուայի մեջ՝ կներխուժի բացված հյուրընկալ դռներից ու լավ էլ երջանիկ կլինի: Մեկ ա սենց թե նենց 80 տոկոսը պարտքով է Նոր Տարի անում:

Գայանե Խաչատրյան