«Ադրբեջանի մայրաքաղաք Բաքվում 20 հազար հայ է ապրում, ամբողջ Ադրբեջանում՝ 120 հազար: Վիճակագրական այս տվյալները հրապարակել է Ադրբեջանի ԳԱԱ աշխարհագրության ինստիտուտի մարդկանց աշխարհագրություն բաժնի ղեկավար Զաքիր Էմինովը՝ ներկայացնելով «Ադրբեջանի անկախության շրջանի գլխավոր ձեռքբերումները, տնտեսական, աշխարհագրական և դեմոգրաֆիական ասպեկտները» զեկույցը, գրում են ադրբեջանական լրատվամիջոցները:
Հայաստանում բնակվող ազգությամբ ադրբեջանցիների մասին վիճակագրական տվյալներ չկան: 2011 թվականին Հայաստանում անցկացված մարդահամարի արդյունքներում առկա են տեղեկություններ ՀՀ-ում բնակվող 9 ազգությունների մասին: Սակայն 1634 մարդու ազգային պատկանելությունը այդ արդյունքներում չի նշված, իսկ ևս 100 ՀՀ բնակիչ հրաժարվել է ներկայացնել իր ազգային պատկանելությունը»,-գրում է թերթը:
