Եթե ԲՀԿ-ին թվում է, որ ես կաշկանդված եմ՝ չարաչար սխալվում են․ Արման Բաբաջանյան

ԱԺ անկախ պատգամավոր Արման Բաբաջանյանը խորհրդարանում իր և ԲՀԿ-ական պատգամավորների միջև տեղի ունեցածից հետո ակնկալում է «Բարգավաճ Հայաստան» խմբակցության ղեկավարի՝ Գագիկ Ծառուկյանի արձագանքը։

Այս մասին խորհրդարանում լրագրողների հետ զրույցում ասել է Արման Բաբաջանյանը.

«Կարծում եմ՝ Գևորգ Պետրոսյանն այս պահին չի ներկայացնում իրենց խմբակցության հավաքական դիրքորոշումը։ Ես խմբակցությանը դիմելիս ակնկալում եմ, որ ԲՀԿ-ի անունից ներողություն կխնդրեն, և անարձագանք չի մնա այն, ինչ տեղի ունեցավ Գևորգ Պետրոսյանի ելույթից հետո, որովհետև ես հեռու եմ ԱԺ դահլիճը քրեական ռազբորկայի վայր դարձնելուց»,- ասել է Արման Բաբաջանյանը։