▲ Դեպի վեր

lang.iso lang.iso lang.iso

Ֆերդինանտ Կարապետյանը հաղթեց ադրբեջանցի ձյուդոյիստ, աշխարհի կրկնակի փոխչեմպիոն Ռուստամ Օրուջովին

Ուզբեկստանի մայրաքաղաք Տաշքենդում ընթացող ձյուդոյի «Մեծ սաղավարտի» մրցաշարում այսօր գերազանց մեկնարկեց Հայաստանի միակ ներկայացուցիչ Ֆերդինանտ Կարապետյանը:  

73 կգ քաշային կարգում հանդես եկող մեր մարզիկն որակավորման փուլում իրար ետևից երեք մաքուր հաղթանակներ տարավ և մտավ կիսաեզրափակիչ: Քառորդ եզրափակիչում նա պայքարից դուրս թողեց աշխարհի կրկնակի փոխչեմպիոն, ադրբեջանցի Ռուստամ Օրուջովին: 

Ավաղ, կիսաեզրափակիչ մրցամարտում Ֆերդինանտ Կարապետյանը լարված պայքարում զիջեց ղազախստանցի Ժանսայ Սմագուլովին: Այսօր երեկոյան կայանալիք բրոնզե մեդալի համար մարտում նա կհանդիպի ֆրանսիացի Գիլոմ Չայնեի հետ:

Հիշեցնենք, որ այս մրցաշարը նաև օլիմպիական վարկանիշային է: 3-րդ տեղը գրավողները կստանան 500-ական, իսկ պարտվողները՝ 360-ական միավոր:

Կայքում տեղ գտած մտքերն ու սկզբնաղբյուրներից վերահրապարակված նյութերը կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Սպորտ ավելին