Գիշերը միջադեպ է տեղի ունեցել Մոսկովյան-Բաղրամյան խաչմերուկի հատվածում: Այս մասին քիչ առաջ հայտարարեց ԱԺ պատգամավոր Նիկոլ Փաշինյանը։ Նա նշեց, թե ցանկացած ոք, ով որևէ պատճառով բռնություն է գործադրում, չի կարող համարվել ցույցի ու շարժման մասնակից: Փաշինյանի խոսքով՝ իրենք իրենց գործողություններում ասել ու կրկնում են, որ բացառում են բռնությունը։ «Ոստիկանությունը կամ իշխանությունը կարող են հազար խմած մարդ ուղարկել, ովքեր կգան, իրենց լկտի կպահեն, ամենավերջին հայհոյանքները կտան, բայց որևէ պարագայում որևէ բռնություն գործադրողը մեր շարժման մասնակից չի կարող համարվել»,- հավելեց Նիկոլ Փաշինյանը` շեշտելով՝ դատապարտում է ցանկացած բռնություն։
Տեսանյութերը՝ Նիկոլ Փաշինյանի ֆեյսբուքյան էջից
Կարդացեք նաև՝ Այսօր ավտոերթ տեղի կունենա դեպի Ծաղկաձոր. որտեղ տեղի է ունենալու ՀՀԿ խորհրդի նիստը. Փաշինյան
