Ամերիկյան Wells Fargo բանկային ընկերության նախկին մենեջեր Ալբերտ Յագուբյանին կալանավորել են 1.29 մլն դոլարի չափով գումար ապօրինի ճանապարհով օրինականացնել օգնելու համար: Յագուբյանը 2 տարի շարունակ օգնել է գլենդելաբնակ Արտաշես Դարբինյանին ու Օրբել Հակոբյանին ապօրինի ճանապարհով ստացված գումարները օրինականացնել բանկի միջոցով: Դրա դիմաց Յագուբյանը ստացել է իր բաժինը:
Խաբեբաները առևտրային ապրանքանիշների տերերին առաջարկում էին հետևել հեղինակային իրավունքների պահպանմանը ու կանոնավոր հաշվետվություններ ուղարկել, սակայն իրականում ապրանքանիշների տերերի ուղարկած գումարները փոխպանցվում էին այլ հաշվեհամարների:
Ալբերտ Յակուբյանը հրաժարվել է ընդունել իր մեղքը: Հատկանշական է այն հանգամանքը, որ Արտաշես Դարբինյանն ու Օրբել Հակոբյանը նախկինում դատված են եղել խաբեության համար: Այս մասին հայտնում է Los Angeles Times-ը:
