ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. «Այ հողատո՛ւ, դու Հայաստանի ադրբեջանացման խորհրդանիշն ես դարձել։ Կապիտուլյանտն ասում է՝ ես մեղադրյալ չեմ, ես մեղադրող եմ։ Այ հողատո՛ւ, դու մեղադրյալ ես ու թշնամու առաջ ծնկի եկած։ Դու ես Ալիևին «կառուցողական» անվանել։ Դու ես հրաժարվել Վիեննայից ու Սանկտ Պետերբուրգի օրակարգերից։ Դու ես Դուշանբեի վերելակում «սիլի-բիլի» արել «կիրթ» գործընկերոջդ հետ։
Դու ես հավանություն տվել նոր պատերազմ, նոր տարածքներ թեզին։ Դու ես ասել՝ Արցախը Հայաստան է և վերջ, ու դրանով պատերազմ սկսելու «կանաչ» լույս ես վառել թշնամու համար։ Դու ես ՍՈւ-30 բերել առանց հրթիռների։ Դու ես վարկաբեկել Արցախի հերոսներին։ Դու ես հրաժարվել ռուս խաղաղապահներից պատերազմի սկզբում։ Դու ես հոկտեմբերի 19-20-ին հրաժարվել Պուտինի միջնորդությունից կանգնեգնել պատերազմը։ Դու ես 44 օր խաբել ու ազգից ծածուկ կապիտուլյացիա ստորագրել։ Դու ես հունվարի 11-ին Մոսկվայում ուրացել ու ստորագրել Ալիևի դեմ տված թուղթը, որտեղ գերիների վերադարձի մասին խոսք չկա։ Դու ես հանձնել Հայաստանի Հանրապետության սահմանները թշնամուն։ Դու հողատու ես, կապիտուլյանտ և անկարող։ Սա վիրավորանք չէ, այլ փաստի արձանագրում։ Դու գոռաս-չգոռաս՝ մեկ է. դու «քաղաքական դիակ» ես։ Դու Հայաստանի ադրբեջանացման խորիհրդանիշն ես և վերջ»։
Դիտեք նաև՝
