«Լրատվամիջոցների հարգելի՛ ներկայացուցիչներ,
Հանրապետության նախագահի՝ այսօր ուղիղ եթերով հանդես գալուց հետո որոշ լրատվականներ Գրիգորի Սահակյանի մասին նախագահի խոսքը լուսաբանել են հակառակ՝ բացասական ընկալմամբ: Պատերազմի առաջին օրերից սկսած՝ հայրենիքի հանդեպ նրա մատուցած ռազմական բնույթի ծառայություններն արժանի են միայն բարձր գնահատականի, և պատահական չէ, որ վերջինս նախագահի կողմից հատուկ խրախուսանքի է արժանացել:
Խնդրում եմ շտկել»,- այս մասին Ֆեյսբուքի իր էջում գրել է Արցախի նախագահի մամուլի խոսնակ Վահրամ Պողոսյանը:
Լրատվամիջոցները գրել էին․ «ԱՀ նախագահ Արայիկ Հարությունյանն ուղիղ եթերի ժամանակ կոնկրետ դեպքեր է հայտնել, որ զինվորականները հրաժարվել են մեկնել ռազմաճակատ:
«Մի դեպք նշեմ. գնդապետ Գրիգորի Սահակյանը, որ պիտի ուղեկցեր ՀՀ-ից եկած երկու գումարտակ, զեկուցում է, որ հրաժարվում են Շուշիի պաշտպանման համար պլանավորված օպերացիային մասնակցելուց»,- ասել է նա»:
