Armtimes.com-ը գրում է. Դեկտեմբերի 6-ին, գիշերը ժամը 01:00-ի սահամաններում, Գյումրիում 20-ամյա երիտասարդի են դանակահարել:

Դեպքը տեղի է ունեցել Գյումրու Գորկու անվան կենտրոնական այգում: Հիշեցնենք, այս այգին համայնքապատկան չէ եւ որոշ տեղեկությունների համաձայն` սեփականատերը Գյումրու նախկին քաղաքապետ Վարդան Ղուկասյանն է:

Դանակահարվել է 1995 թվականին ծնված, Գյումրի քաղաքի Շահումյան փողոցի բնակիչ Աշոտ Վ.-ն:  Կայքի տեղեկություններով՝ 20-ամյա Աշոտը եւ ընկերները վիճաբանել են այլ տղաների հետ: Վեճի ընթացքում Աշոտը ստացել է մարմնական վնասվածքներ:

Տուժող՝ Աշոտ Վ.-ի քեռին եւ ընկերները, քաղաքացիական մեքենայով նրան տեղափոխել են «Գյումրի» բժշկական կենտրոն:

Դանակահարված Աշոտ Վ.-ի մոտ ախտորոշվել է աջ ազդրի վերին շրջանի կտրած-ծակած վերքեր, աջ ձեռքի մատների կտրված վերքեր, ջլերի վնասումներ եւ դեմքի շրջանի սալջարդ վերքեր:

Առավել մանրամասն՝ սկզբնաղբյուր կայքում