Հինգշաբթի, Հալեպի Նոր գյուղ թաղամասի վրա զինյալ ահաբեկիչներն ավելի քան 30 հրթիռ են արձակել։
««Զվարթնոց» հայկական եկեղեցու փողոցում ընկած հրթիռի հետևանքով հրկիզվել է հայ արհեստավորներից մեկի արհեստանոցը։ Զոհվել են 3 հայեր, որոնց ածխացած դիակները տեղափոխվել են հիվանդանոց»,- այս մասին տեղեկացնում է Հալեպի «Գանձասար» շաբաթաթերթի ֆեյսբուքյան էջը՝ նշելով, որ ավելի ուշ մահացել է նաև Նոր գյուղում վիրավորված մեկ այլ հայորդի։
Զոհված 4 հայերի անուններն են՝ Վազգեն Ճապաղջուրյան, Լևոն Քելխաչերյան, Հովսեփ Ջանեցյան, Խաչիկ Աբուլաբության։