interfax.ru-կայքը հայտնում է, որ հաստատվել է Մոսկվայում կորոնավիրուսով վարակման առաջին դեպքը:
Վարակվածը նախօրեին Միլանից վերադարձած երիտասարդ տղա է, որին հոսպիտալացրել են:
Սկզբում վարակվածին ընդհանուր պալատում են պառկեցրել, այնուհետև տեղափոխել են մեկուսացված սենյակ: Նրա անալիզներն ուղարկվել են Նովոսիբիրսկի «Վեկտոր» լաբարատորիա:
Ռուսաստանում կորոնավիրուսը հաստատում են երեք փուլով. սկզբում եզրակացություն են ներկայացնում բժիշկ-վարակաբանները, այնուհետև «Ռոսպոտրեբնադզոր»-ի փորձագետները, իսկ վերջնական հաստատումն անում են «Վեկտոր» լաբորատորիայի մասնագետները:
