Երևանում հանդես է գալու երգչուհի Մարիամ Մերաբովան, ու այդ առթիվ կարդում եմ. ,,Մարիամը իր հայ երկրպագուների համար գեղեցիկ անակնկալ է պատրաստել և առաջին անգամ կատարելու է հայերեն երգեր, որոնք հատուկ մշակվել են երևանյան մենահամերգի համար,,:
Ոչինչ չունեմ երգչուհու դեմ, շնորհալի է, ճանաչված, բայց ինչու՞ են նա և ուրիշները հայերեն երգում միայն Հայաստան գալիս: Այդպես օտարներն են վարվում:
Իսկ մի՞թե երգչուհու պատվից ցածր կհամարվեր, եթե Մոսկվայում էլ մի քանի հայերեն երգ կատարի, հիշեցնի իր ազգության ու նրա մեծ մշակույթի մասին...
Իսկ Հայաստանում ինձ բնավ պետք չեն նրա հայերեն կատարումները...
Դրանք ես հայաստանցի երգիչների կատարմամբ էլ եմ լսում...

Լևոն Մութաֆյան