Հայաստանի քաղաքացիները ԱՄՆ-ի մուտքի արտոնագրերի ստացման պարզեցման հնարավորություն կստանան: Այդ մասին ասյօր՝ դեկտեմբերի 11-ին, կառավարության նիստին հայտարարեց արտգործնախարար Էդվարդ Նալբանդյանը: Նրա խոսքով՝ ԱՄՆ-ի քաղաքացիները 2015թ. հունվարից 1-ից կարող են առանց մուտքի արտոնագրի Հայաստան այցելել՝ մինչեւ 180 օր ժամկետով: 
Ամերիկյան կողմի հետ համաձայնությունները պայմանավորված են Հայ-ամերիկյան միջկառավարական հանձնաժողովի աշխատանքների արդյունքներով, որոնց շնորհիվ կողմերը ավարտին են հասցնում վիզաների ազատականացման գործընթացը: Ըստ պայմանավորվածության, ԱՄՆ-ի քաղաքացիների համար հաստատավում է Հայաստան մուտք գործելու ազատ ռեժիմ, իսկ Հայաստանի քաղաքացիների համար՝ բազմաթիվ անգամներ Միացյալ Նահանգներ այցելելու 10-ամյա մուտքի արտոնագրի ռեժիմ: