Մամուլում այսօր տեղեկություն էր հայտնվել, թե Հյուսիսային պողոտայում «գողական ռազբորկա» է տեղի ունեցել. նշվում էր, որ վեճի պատճառը Աշտարակում տեղի ունեցած դանակահարության դեպքն է եղել:
Asekose.am-ի թղթակիցը տեղում փորձել է պարզել, թե Հյուսիսային պողոտայի բնակիչներից և այստեղ գործող սրճարանների աշխատակիցներից ով կարող է որևէ հավելյալ տեղեկություն ներկայացնել նշված դեպքի մասին:
Սակայն մեր բոլոր զրուցակիցները նշել են, որ տարածքում անցած գիշեր հանգիստ է եղել և , ինչպես նշվում էր այդ հրապարակման մեջ, ոստիկանական ավտոմեքենայի ազդանշաններ ու «միգալկաները չեն էլ լսվել, որից հետո են միայն իբր վեճի մասնակցիները ցրվել:
Հյուսիսային պողոտայում երեկվա միակ արտառոց դեպքն, ըստ մեր զրուցակիցների, Հայաստանի վարչապետ Հովիկ Աբրահամյանի ու նրա վրացի գործընկերոջ զբոսանքն էր ու այցելությունն այստեղ գտնվող սրճարաններից մեկը:
Նշենք, որ Asekose.am-ի գրասենյակը գտնվում է Հյուսիսային պողոտայի հարևանությամբ և մինչև ուշ գիշեր մեր հերթապահող լրագրողները նույնպես որևէ արտառոց դեպք կամ աղմուկ չեն արձանագրել:
Հեղինակ՝
Ա.Մաթևոսյան
