Մշակույթի նախարար Լիլիթ Մակունցն ամփոփել է իր պաշտոնավարման 100 օրը: Նախարարը ներկայացրել է 100 օրում Մշակույթի նախարարության կատարած աշխատանքները:
Նա խոսեց նաև նախարարությունում բացահայտված կոռուպցիոն դրսևորումների և չարաշահումների մասին, ինչպես նաև անդրադարձավ Սարյանի կտավներին, երբ դրանք հայտնվել էին Ալեքսանդր Սարգսյանի որդու՝ Նարեկի մոտ:
«Ինձ մոտ հայտնվել էին փաստաթղթեր, համաձայն որոնց` Սարյանի նկարների հետ կապված Մշակույթի նախարարության համապատասխան ՊՈԱԿ-ը տվել է եզրակացություն, որ Սարյանի կտավները բնօրինակ են և այնտեղ դրված էր Ռուզաննա Սարյանի ստորագրությունը՝ համապատասխան կնիքով: Կար նաև մեկ այլ փաստաթուղթ, ըստ որի` Ռուզաննա Սարյանը տեղեկացնում էր, որ կտավները ոչ միայն բնօրինակները չեն՝ կեղծ են: Ի հավելումն նշվում էր, որ իր ստորագրությունը ևս կեղծված է: Սրանից հետո մենք անմիջապես փաստաթղթերն ուղարկել ենք դատախազություն և այս պահին հարցաքննություններ են ընթանում»,- ասաց նախարարը:
Մամուլի ասուլիսն ամբողջությամբ՝ տեսանյութում
