«Իսլամական պետություն» ահաբեկչական խմբավորումը ստանձնել է Կալիֆորնիայի Սան Բերնարդինո բնակավայրում տեղի ունեցած զանգվածային սպանության պատասխանատվությունը։ Այդ մասին հայտնում է Reuters գործակալությունը՝ հղում անելով ահաբեկիչների հայտարարությանը։
««Իսլամական պետության» երկու հետևորդներ մի քանի օր առաջ հարձակում են իրականացրել Կալիֆորնիայում Սան Բերնարդինոյի կենտրոնի վրա»,-ասված է հաղորդագրության մեջ։
Հիշեցնենք, որ Կալիֆորնիայի Սան Բերնարդինո բնակավայրում հրաձգությունը տեղի էր ունեցել դեկտեմբերի 2-ի գիշերը։ Հանցագործները ներխուժել էին սոցիալական ապահովության կենտրոնի դահլիճ ու կրակ բացել շենքում ներկաների վրա։ Զոհվել էր 14, վիրավորվել՝ 21 մարդ։