«Վարդենիսի տարծաշրջանում ծանոթացա սահմանային իրադրությանը՝ մասնավորպես 8 գյուղի հատվածում»,- ուղիղ տեսակապով քիչ առաջ ասաց ՀՀ վարչապետի պաշտոնակատար Նիկոլ Փաշինյանը: «Իրադրությունը լարված է, չեմ կարող թաքցնել: Երբ որ ադրբեջանական ԶՈՒ-ի որոշ ստորաբաժանումներ մուտք են գործել մեր տարածք, իսկ մեր ստորաբաժանումները կանգնեցրել են նրանց առաջխաղացումը, արդյունքում հիմա դեմ դիմաց կանգնած են: Էնպես է ստացվել, որ մեր և ադրբեջանի զինվորները «հյուսվել են» իրար»,- իրավիճակը պատկերավոր նկարագրեց Ն. Փաշինյանը: «Հիմա, տեղ կա, որ արդեն մի շաբաթից ավելի է՝ դեմ դիմաց կանգնել են, և այդտեղ լարումը մեծանում է, իրավիճակը լարված է և պայթունավտանգ»,- ասաց նա՝ հավելելով. «Մեր բանակը, սպաները, ԶՈՒ-երը, գեներալները շատ ուժեղ ճնշման տակ են: Մի կողմից ճնշումը հետևյալն է՝ ինչո՞ւ գործողություններ չեն անում, մյուս կողմից՝ ցանկացած գործողություն զուգորդվում է հաջողությամբ և անհաջողությամբ...»: |
Իրավիճակը՝ հայ-ադրբեջանական սահմանին եւ լուծման ուղիները թեմայով Նիկոլ Փաշինյանի ուղիղ եթերն ընդհատվեց:
Ավելի ուշ Նիկոլ Փաշինյանը ֆեյսբուքյան իր էջում գրառում է արել.
«Շատ շուտով Սահմանային իրավիճակի խաղաղ հանգուցալուծման պլան կներկայացնեմ: Վստահ եմ՝ առաջարկը փոխշահավետ է եւ իրականանալի կարճ ժամանակահատվածում՝ միջազգային հանրության աջակցությամբ»:
Հիշեցնենք, որ այսօր Նիկոլ Փաշինյանը Գեղարքունիքի մարզի Կութ գյուղում էր:
Դիտեք նաև՝