Էրեբունիի ՊՊԾ-ն գրոհողներից Պավել Մանուկյանը «Ա1+»-ի հետ զրույցում ասել է, որ իշխանությունները խոստացել են գիշերվա ընթացքում ոչինչ չանել եւ սպասել մինչեւ լուսաբաց:
«Բանակցություններում առաջընթաց չկա»,-ասել է Պ. Մանուկյանն՝ ասելով, որ պատանդներն իրենց հանգիստ են զգում, իրենք ամեն ինչ կանեն, որ պատանդներին ոչինչ չպատահի նույնիսկ «շտուրմի» դեպքում:
«Անձամբ ես ամեն ինչ կանեմ»,-ասել է Պավել Մանուկյանը:
Հիշեցնենք, որ ազատամարտիկն ArmLur.am-ի հետ զրույցում էլ ասել էր, որ հեռախոսազրույց է ունեցել Ժիրայր Սեֆիլյանի հետ:
«Ժիրայր Սէֆիլյանն ընդհանրապես տեղյակ չէր ոչ մի բանի մասին: Ես ներկայացրեցի իրավիճակը, թե ինչեր են կատարվել, բայց ինքը տեղյակ չէր: Դրա համար ասեց` որոշեք ինքներդ»,-ասել է Մանուկյանը:
