Հանրային խորհրդի անդամ, ԱԺԴ նախագահ Արշակ Սադոյանը ֆեյսբուքյան իր էջում գրում է.
«Իշխանությունների բիզնեսների մասին.
Անցիալ անգամ մի պուտինասերի հետ էի խոսում Ալիևին 5 միլիարդ դոլարի զենք վաճառելու և դրանից առնվազն 2 միլիարդը նրա կողմից գրպանելու մասին: Եվ հետաքրքիր էր, որ նա էլ առանց տատանվելու ասաց՝ դե ինչ կա որ դա էլ իր բիզնեսն է էլի: Իսկապես հստակ է ասված, կարծում եմ ժամանակն է, որ մեր քաղաքագետներն էլ փորձեն խորհել այդ տեսակ բիզնեսի էության մասին:
Համոզված եմ, որ մեզանում շատերն են մտածում, որ մեր բարձրաստիճան պաշտոնյաների մի զգալի մասը անձնական շահը վեր է դասում պետականից և իրենց համար իշխանությունը առաջին հերթին հարստացման աղբյուր է բիզնեսի մի ձև: Բայց հետաքրքիր է երբ խոսքը գնում է Կրեմլի, Պուտինի մասին սկսում են ինչ որ բարդ բաներից խոսել՝ կայսերական նկրտումներից, սովետ վերականգնելու պլաններից, մոռանալով որ հենց իրենք են ասում՝ դե բիզնես է էլի:
Իսկապես խեղջ ռուս ժողովուրդը ինչ մեղք ունի, երբ անձնական շահին հետամուտ, հարստանալու անհագուրդ մոլուցքով տառապող մի խումբ կագեբեականներ տիրացել են Կրեմլին, իշխանությանը: Եվ պատերազմ սարքելը, զանգվածային ոչնչացման զենք վաճառելը դարձրել են իրենց պաշտոնական բիզնեսներց մեկը: Ավելին համոզված, որ կարող են ցանկացած ժամանակ կռիվ գցել ուղղակի պարտադրում են իրենցից կախված երկրների իշխանավորներին ստվերային եկամուտներ ունենալ և դրա առնվազն քառորդ մասը մուծվել Կրեմլի շեֆին:
Սա է նրանց քաղաքական դոկտրինա դարձած բիզնեսը: Ինչ է հարգելի քաղաքագետներ կարծում եք Պուտինը չի հասկանում, որ ինչքան Ադրբեջանը հզորանա այնքան ավելի է հեռանալու Ռուսաստանից, որ խիստ վտանգավոր է սիլի-բիլի անել պանթյուրքիզմի գաղափարներից հոխորտացող Էրդոհանի հետ: Բայց քանի դեռ հնարավոր է հեռուստատեսությամբ հիմարացնել մարդկանց, մոտիկներին թուլափայ գցելով իշխանությունը պահել մերոնց նման կարելի է հեռանկարի, ժողովրդի, պետության շահի մասին դեռ չմտածել»:
Կարդացեք նաև` Քաղաքականությունն աշխարհի ամենահին պոռնկության արվեստն է. Արշակ Սադոյան