Չեչնիայի ղեկավար Ռամզան Կադիրովը Գրոզնիի հիվանդանոցներից մեկը Տու-154-ի վթարից զոհված Ելիզավետա Գլինկայի (Դոկտոր Լիզա) պատվին է անվանել: Այս մասին Կադիրովը գրել է ինստագրամի իր էջում: «Որոշում եմ ընդունել Ելիզավետա Պետրովնայի անունով կոչել Գրոզնի քաղաքի հիվանդանոցը:
Բացի դրանից, նա նաև Ալեքսանդրովի անսամբլի գեղարվեստական ղեկավար Վալերի Խալիլովին հետմահու մեդալ է շնորհել:
«Համոզված եմ, որ այս մարդկանց անունները ընդմիշտ կմնան Ռուսաստանի պատմության մեջ»,-գրել է Կադիրովը:
Հիշեցնենք, որ «Արդար օգնություն» հիմնադրամի գործադիր տնօրեն Ելիզավետա Գլինկան եղել է Սև ծովում կործանված ՌԴ ՊՆ Տու-154 ինքնաթիռում: Նա կործանված Տու-154-ով նա ուղեկցում էր մարդասիրական բեռը, որը նախատեսված էր Լաթաքիայի Տիշրին համալսարական հոսպիտալի համար:Նշենք նաև, որ Ելիզավետա Գլինկայի հիմնադրամն օգնություն է տրամադրել Արցախին՝ ապրիլյան քառօրյա պատերազմի ժամանակ:
