Այսօր համացանցում լուրեր էին տարածվել, որ Ազատության հրապարակից և Խորենացու փողոցից երեկ բերման ենթարկված քաղաքացիներին ոչ միայն ծեծի են ենթարկել, այլ նաև ստորացրել:
Այս լուրերին արձագանքեց Ոստիկանության հասարակայնության հետ կապերի և լրատվության վարչության պետ Աշոտ Ահարոնյանը՝ մասնավորապես հայտարարելով, որ «ոստիկանության պետի հանձնարարությամբ մեզ փոքրիշատե հայտնի բոլոր դեպքերով նշանակվել են ծառայողական քննություններ... Եթե իսկապես ցանկանում եք պարզվի իրականությունը և հնարավոր մեղավորները պատժվեն, աջակցեք քննությանը՝ դիմեք ոստիկանություն»:
Մինչ այդ, համացանցում լայն քննարկան առիթ է տվել լուսանկարը, որտեղ ցուցարարն ընդդիմանում է ոստիկանությանը. լուսանկարը ներկայացնում ենք առանց մեկնաբանության:
