▲ Դեպի վեր

lang.iso lang.iso lang.iso

«Մետրոպոլիտենում այսօր ադրբեջանցի երգչի կատարմամբ երգեր էին հնչում». Նարինե Մկրտչյան

Մամուլի ազգային ակումբի նախագահ, «Քաղաքական լիգայի» համակարգող Նարինե Մկրտչյանը ֆեյսբուքյան իր էջում գրել է.

«Երևանի Մետրոպոլիտենը, հավանաբար, ընդառաջ գնալով հայ-ռուս-ադրբեջանական բարեկամությանը, այսօր խորհրդային ժամանակների ռուսերեն երգեր էր միացրել, որոնցից մի քանիսը՝ ադրբեջանցի երգիչ Մուսլիմ Մագամաևի կատարմամբ: Ժամը 12-ին մտել եմ մետրոյի «Գործարանային» կայարան, 4.5 ժամ անց դարձյալ օգտվել եմ մետրոյից, երկու անգամ էլ ռուսերեն երգեր էին: Ընդ որում, նաև՝ գնացքներում: Բայց սա դեռ ամենը չէ:

Վերադարձիս, 16:30-17:00-ի միջակայքում, մետրոյի «Գարեգին Նժդեհ» կայարանի մոտենալիս, մեքենավարը, «Զգուշացե՛ք, դռները փակվում են» հայերենով և անգլերերնով ձայնագրությունը միացնելուց մեկ րոպե առաջ ռուսերենով նետեց. Освободите двери. Մետրոյի գանցքում, մարդիկ իրար նայեցին, ես էլ բարձրաձայն դժգոհեցի, թե արդեն ռուսերենի՞ եք անցել:
Երևանի մետրոն՝ որպես տրանսպորտային միջոց, սիրում եմ և միշտ օգտվում եմ, բայց հարգելի՛ Մետրոպոլիտեն, շատ եք շտապում. օտարահաճո լինելը ոչ միայն պատվաբեր չէ, այլև անվտանգ չէ»:

Հավելենք, որ Կարեն Դեմիրճյանի անվան Երեւանի մետրոպոլիտենի մամուլի քարտուղար Տաթև Խաչատրյանն ի պատասխան Մամուլի ազգային ակումբի նախագահ Նարինե Մկրտչյանի ֆեյսբուքյան էջի գրառմանը, թե իբրեւ Կարեն Դեմիրճյանի անվան Երեւանի մետրոպոլիտենում «ի նշան» հայ-ռուս-ադրբեջանական բարեկամությանը, այսօր խորհրդային ժամանակների ռուսերեն երգեր էր միացվել, որոնցից մի քանիսը՝ ադրբեջանցի երգիչ Մուսլիմ Մագամաեւի կատարմամբ էր, հետեւյալ պարզաբանմամբ է հանդես եկել. «Հայտնում ենք, որ այսօր մեծանուն կոմպոզիտոր Առնո Բաբաջանյանի ծննդյան 100-ամյա հոբելյանական միջոցառումների շրջանակում մետրոպոլիտենի բոլոր կայարաններում հնչել են կոմպոզիտորի հայտնի գործերը։ Հաշվի առնելով վերոգրալը, պետք է փաստել, որ տիկինը տարածում է ապատեղեկատվություն. Երեւանի մետրոպոլիտենի գնացքներում հնչում է միայն դռները փակվող երկլեզու հայտարարություն՝ հայերեն եւ անգլերեն։ Հորդորում ենք մեր գործընկերներին խուճապ չառաջացնել ուղեւորների շրջանում եւ ցանկացած տեղեկատվություն ներկայացնելուց առաջ պարզաբանում ստանալ միշտ հասանելի հեռախոսահամարի կամ էլեկտրոնային հասցեի միջոցով»:

Կայքում տեղ գտած մտքերը հեղինակի սեփականությունն են և կարող են չհամընկնել խմբագրության տեսակետի հետ: Asekose.am / հեռ: 095519696
Հասարակություն ավելին