Հայաստանի առաջին Հանրապետության օրվա միջոցառումներին անմասն չեն մնում Սփյուռքի մշակութային կառույցները ։

Օրվա խորհուրդը նախ և առաջ հայապահպանությունն է և սերունդներին արժանապատիվ ապագա փոխանցելը ։

Որքան էլ ծանր են ժամանակները , արժեզրկված արժեքները , այդուհանդերձ մեծագույն երախտիքի են արժանի դառնում մարդիկ , ովքեր հենց այս պայմաններում իրենց ուսերին են վերցնում մեծագույն բեռը ` մշակույթին շառավիղ տալու ու ճառագելու ծանրագույն աշխատանքը։

Մոսկվայի շրջանի Միտիշչի քաղաքի Երիտասարդական պալատը մայիսի 28֊ին հյուրընկալել էր М-dance պարային համույթին, Մարիամ Աթանեսյանի ղեկավարությամբ ։

Մայիսի 28֊ին բեմում թնդում է հայկականը....

Պարը ....

Որ պար չէ սա ,

այլ մի ազգի ` ողջ պատմություն ...

Գ. Էմին

Ու հայրենիքից հեռու բեմը մի ողջ պատմություն է խառնում օտար հողին ու որպես արձագանք դարերի , բռնում հայկական Քոչարին։

Դահլիճը ծափեր է արձագանքում , կարծես մի ողջ ազգի մշակույթ է արձագանքում ամեն ծափից ։

Ծանր բեռն իր ուսերին վերցրած Մարիամ Աթանեսյանի մասին ծնողները խոսում են մեծագույն ակնածանքով , գնահատում նրա աշխատանքը ։

Վերջերս է խումբը վերադարձել Սանկտ֊Պետերբուրգում կայացած պարի փառատոնից, գրավելով պատվավոր առաջին հորիզոնականը ։

Փոխադարձ գնահատականի արդյունքում օտար հողում հայը պահում է հայականությունը , երբևէ հայրենիք վերադառնալու մեծագույն հույսով ։

Մայիսի 28֊ի խորհուրդը հաստատվեց ու հուսադրեց հային։ Նյութը ` Արմինե Մելքոնյանի